睇左優先場 3D版係3級片黎 因為實在有太多血腥場面

唔知係咪已經睇左1,2,3集 知道大約都係咁既劇情

基本上第4集係完全無驚喜 係知道哂順序邊個死同點樣死

唔同既係3D真係比2D更核突咁解 爆頭爆腸見腦漿 幾核突有幾核突

睇睇下都用件褸遮住 不過..個結局好hea

應該唔會再有第5集

終於去睇左"孤疑" 確實係一套好好睇既戲 最衰我一早知道結局

無哂驚喜 三叔唔知結局所以佢覺得好好睇 一致覺得那個妹妹真係做得好

令人有不寒而慄既感覺

睇完仲趕得切返去睇大結局 黃子華話女人最鍾意係"發脾氣"同"買野"

三叔即刻話係囉 

每逢有新歌例必去唱一唱 今期新歌係容小姐的國語歌同lady gaga

咁安靜咁唱lady gaga無咩feel添 要一大班人跳下舞玩下應該會好0的

唱哂新歌無咩好唱就唱懷舊金曲 高峰期阿精小姐點左2版半eason 我諗

今晚佢應該唱左近30隻eason既歌 (應該無計錯喇呵~~~)

我真係點懷舊金曲架 好似夢醒時份, 執迷不悔,但願你明白(記唔記得呢隻係咩歌呢 哈哈)

下次應該點埋黎瑞恩,劉小慧,湯寶如個0的 我想唱'絕對是個夢' 哈哈哈哈

尋日即興咁同姜師奶去左星巴克冰室食lunch 食完影完就

拿拿臨返屋企訓覺 夜晚再去姜師奶度打牌 尋晚手風超順

出乎意料地食左舖小四喜混對么九 算係我打牌咁耐以黎最大既一舖牌

打到朝早7點幾就去搵三叔食早餐同睇早場 睇左laughing gor

吳鎮宇同黃秋生好掂&好型 不過睇呢套野好似睇緊tvb劇集咁

全部都係tvb人黎既 =.=

呢個禮拜第3個音樂會 concert week yeah!!!!

今晚呢個係新城台慶既音樂會 有kay,克勤,gigi,千嬅,阿sa, fama,

ivana, soler & judgetin 是晚坐左係fans堆 兼且做埋0的我十幾歲

個時做既野 哈哈 陪阿姐癲一次無所謂喇 全場大合唱男人ktv 唱到把聲拆拆地添

是晚更有驚人大發現 話說gigi出場個陣時有5個fans上台送花 竟然俾我

發現我另一個同事係其中一個 =.= 佢落台個時係我隔離行過 我地嗌住佢 大家大笑

我地0的同事真係.......

走左去機場賑災 當然係陪阿姐去睇judgetin

排左2個鐘頭隊就係為左坐前排 最終如願以償坐左第5行仲要正中間

入到去睇埋佢地rehersal添

總括黎講個show都幾好睇 最令我興奮既係古惑仔4虎 真係一出場全場起哄

太懷念佢地4個喇

經過今晚我知道點解咁多人咁敬重劉華 因為佢真係好有心 佢係最後一個離開個台

既artist 佢係同每個黎既artist 握手同躹躬 同台下面既觀眾躹躬同say bye先走

劉華

開心既時光過得特別快 話咁快就過左3日既假期

呢3日有1日去左深圳揼骨 2日去左澳門

去澳門係為左睇lady gaga既concert 雖然個rounddown

安排得勁差 但係睇左場good show 等咁耐都值既 全場high 爆 我都嗌到聲沙

快0的黎香港開喇 我一定會再去睇

今次只係去左威尼斯人賭 教識左三叔玩花棋骰佢就上左癮 一企就企左2個鐘

佢隻衰手真係累人累物 好彩有個高手係度賺得返 企到腳軟都抵

p.s. 由出發搭船到去到威尼斯人睇show到第2日走都見到同一班人 我地真係好有緣

p.s.2 睇完show見到周麗淇 三叔話真人唔係好靚 我就覺得ok

7/8 : 阿姐好鍾意周圍食野 有時佢好鍾意帶埋我去食 今日下晝未夠12點

就出左去食飯 第一站係九記牛腩 專登扒咁高熱到死就為左食碗腩粉 但係

又真係好好味 第二站係awfully chocolate 因為print左張coupon係買

一個球送一個球 又繼續撐上山為左食杯雪糕 本來想買埋個香蕉朱古力蛋糕

(阿姐講左好多次話呢個蛋糕好好味 一定要試) 但係2個人確實食唔哂 又唔係

即刻返公司 所以只係食杯雪糕算 雪糕都好好味

8/8 放工返屋企小睡3個鐘之後出去同傻豬豬慶祝生日 去食私房菜 其實唔要求

高既話我覺得呢餐都食得過既 食左差唔多4個鐘頭好似食法國菜咁 快少少會好0的

食完去姜太度打牌 今日手風順左 起碼有糊食同埋經專人指點之後技巧稍有進步

雖然最後都係輸但係今次輸得抵 (我發覺我今日無係姜太度飲佢既野

係我自己買上去架 應該有關係...哈哈!!)

9/8 打完牌諗住去睇早場 點知11點鐘都爆場=.= 於是買左下晝飛

呢套零零狗可以買碟睇 真係好無聊 睇完戲終於可以訓覺....

食藥塗藥都整唔走粒野 最終都要做小手術割左粒瘡

係眼皮下面開小刀真係痛死了 痛到捏住個姑娘隻手

唔單止眼痛 心都痛了 割粒野都貴到咁 即係我今個月唔駛出街喇!!!!

隻眼一日腫過一日 而家連右眼都腫腫地 我諗聽日又要見一見e臣

放工去左動漫節 三叔本來想買既野全部都無 (鬼咩 話明限量版今日仲邊會有)

最後買左4張baby poster 山長水遠黎到算叫做買過下野

有時發脾氣一半係真係嬲 一半可能係每個月總有幾日會荷爾蒙失調 有時兩樣都係